BUHAY OFW

​

Buhay na pinapangarap

Tutuparin na maging ganap

Lilipad kahit mahirap

Sa ibang bansa’y magsisikap.

 

Labag man sa kalooban

Mahal sa buhay ay iiwan

Pagkalipas ng taon at buwan

Ginhawa naman ang magigisnan.

 

Dahilan nito’y pamilyang maiiwan

At di gumaya kay Eba at Adan

Kapag tukso’y hinayaan at di napigilan

Siguradong walang pamilyang babalikan.

 

Buhay OFW… iba’t iba ang kapalaran

Suwerte kadalasan, may bigo paminsan-minsan

Mahalaga’y makabalik muli sa bayang sinilangan

Nang muling mayakap mahal na naiwan.

​

​

Mga katha ni Joel Santos na matatagpuan sa Sali Ka, Kabayan

• ▪ TULA
• ▪ Buhay OFW
• ▪ Endo
• ▪ Homesick
• ▪ Nasirang Tiwala
• ▪ Pinoy Nars
• ▪ Potograpiya