SALI KA, KABAYAN

Mula sa panulat ni

ROSELYN ALEGONZA

United States

TINIG MARINO

ikaw'y nangutang ng perang panlagay, 

upang sa barko ikaw'y makasakay, 

pangarap nais matupad bilang manlalakbay.. 

unang sakay kanda suka muna ito, 

tiktik kalawang ang inabot mo, 

utos ni kapitan sunod ay impronto... 

bago palitan safety shoes ni kabayan, 

sungaw na mga daliri nya sa paanan, 

batid man ni kapitan di ka pansin na lang... 

sobra sa trabaho, kulang sa sweldo, 

serbisyo ni marino'y inaabuso, 

kaya madalas ito'y naaaburido.. 

pamilya minsan pa'y walang kunswelo, 

kahit kumayod pa ito ng todo, 

walang pundar itong si marino... 

SSS membership mo'y bawas na ng kumpanya, 

sa SSS yong tignan di pasok ang iyong pera, 

pera mong kinaltas saan na napunta...? 

pakiramdam ay masarap pag uuwi na sa pinas, 

ngunit kailangan pa nyang umatend ng class, 

pagkat mga training nito ay nasa batas, 

training ka dito, training ka doon, 

halos ikaw'y wala ng pahinga sa bakasyon, 

sa pag-aayos mo lang ng mga sertipikasyon.. 

sakali mang si marino'y magretiro, 

ano kaya ang mga benipisyo, 

may maitutulong ba ang gobyerno...? 

sariling sikap ka na lang kaya, marino, 

baka tulong nito'y di sasapat sa iyo, 

pambili mo ng tuyo'y kulang pa rito....

 

Mga katha ni Rolelyn Alegonza na matatagpuan sa Sali Ka, Kabayan

• ▪ TULA
• ▪ Buhay OCW
• ▪ Tinig Marino