SALI KA, KABAYAN

Mula sa panulat ni

VIC YAMBAO

New Jersey, U.S.A.

PANGARAP

Kalamnan ko ay nanakit sa banig nang karangyaan

Utak ko ay puputok na sa pagtuos nang aking utang

Puso ko ay manhid na sa kayod na walang puknat

Bawat patak ng aking dugo, berdeng ginto sa kanila.

Nasa ko ay muling humimlay sa kandungan ni Inang sinta

At magmulat sa samyo ng tuyo, kamatis at sinangag

Nasa ko ay makasalo sa dulang si Amang mahal

at muling umusbong sa kanyang palad at pangaral.

Kung nakapikit lamang ang timbangan ng katarungan

At ang batas at katwiran mo ay walang tinititigan

Kung ang bukas sa piling mo ay matiwasay at maaya

Kanila na ang Amerika, uuwi na ako sa ating dampa. 

 

Mga katha ni Vic Yambao na matatagpuan sa Sali Ka, Kabayan

• ▪ TULA
• ▪ Pangarap
• ▪ Panagimpan