SALI KA, KABAYAN

Mula sa panulat ni

REGINA ROSALES

California, U.S.A.

SALAMAT SA MAY-AKDA

(Para kay Rafael Alonde Pulmano)

Salamat ang aking unang salita

Salamat sa iyong mga tula

Pagka’t ang laki ng aking pagkatuwa

sa mga iyong naitala

Ang aking mga mata'y

Iyo mong napadilat

Mga labi ko'y iyo namang napangiti

Sa bawat naitala mo'y ako ay namulat

Siyanga nga palang ako ay mapalad

Pagka’t isa rin akong banyaga

sa ibang bansa naninirahan

at nararanasan ko din ang maghirap

Kulang sa pahinga

Dalawa o tatlong oras lamang

naipipinid ang mga mata

pagka’t laging payao na sa pagtatrabaho

Pero aking katoto

Ako nga'y mas mapalad tulad ng nasabi ko

Pagka’t ang aking naging trabaho

Ay tama kung magpasahod at ang mga tao ay tao

Di ko naranasan ang murahin at abain

Pagka’t ito ay aking di maaring pasanin

Sa aking kaisipan

Ako ay may karapatan!

Nagdaan ang maraming taon

Ako'y isa pa ring banyaga

Pero di na tulad noon

Ang aking pagtulog ay himbing at tama na ngayon

Noon ay tatlo ang trabaho ko

Ngayo'y isa na lamang

Pagka’t ang kwalta ko'y hindi winaldas sa masamang bisyo

at siya kong ikina-ahon

Magpasa-hanggang ngayon

Ako pa rin ay isang dukha ngunit hindi naman kaawa-awa

Malinis na kadamitan

May silong na tinutulugan

Pati na ang hapag kainan

Laging may nakahanda

At ang pinakamahalaga

Pamilya ko'y nagmamahalan

Kaya sa iyo katoto

Uulitin ko ang aking malaking pasasalamat

Ang isang tulad mo'y dakila sa pagsulat

Aking ipagdarasal na ikaw ay KANYANG basbasan

Bigyan nawa ng maganda kalusugan

At sanay sipagin pang gumawa ng mga tula sa wikang atin.

 

Katha ni Regina Rosales na matatagpuan sa Sali Ka, Kabayan

• ▪ TULA
• ▪ Salamat sa May-Akda