BAYAN NG BINYANG

Ako ay ipinanganak sa bayan ng Binyang

Na lugar ng aking nuno at mga magulang 

Lumaki at nagkaisip na may katwiran 

Sapagka’t pinalaki kami ng may magandang asal. 

Masasabi ko kahit kanino man 

Na ang bayan ng Binyang ay 'di bayan lamang 

Bagkus bayan ito ng mga tao sa lipunan 

Na kilala hindi lamang sa bayan tinuran. 

Ang mahal namin bayan ay maraming produkto 

Isa-isahin mo at baka ka malito 

Puto, kutsinta at arozcaldo ni Mang Tonyo 

Maipagmamalaki mo kahit kanino. 

Maging sa ibang bansa ay maipagtatanong mo 

Bayan ng Binyang ay maririnig mo 

Dahil na rin sa tao na produkto nito 

Na mga edukado at maging sa politiko. 

Kaya tayo naman ay dapat magkaisa 

Na maitaguyod ang mahal nating bayan 

Sa mga adhikain na naumpisahan 

Ay maipagpatuloy ng mga kabataan.

Katha ni Zaldy Alora na matatagpuan sa Sali Ka, Kabayan

• ▪ TULA
• ▪ Bayan ng Binyang