Soneto sa Ating Anibersaryo

TUNGKOL

SA SAYT NA ITO

SONETO SA ATING ANIBERSARYO

(Handog sa Maybahay Kong si Ludy Cabual)

Sa takipsilim ko’y ikaw ang bituin

Na tanglaw sa aking pusong naninimdim;

Sa madaling-araw ang tala’y ikaw ring

Kukuti-kutitap kung ako’y magising.

A! ang aking puso’y muling umiibig

Sa iisang mutyang kapilas ng langit;

Ikaw, walang iba, ang muling umakit

Sa aking makulay na pananahimik.

Marami nang taong tayo’y magkasama

Sa iisang mithi at pamamanata;

Ang tamis at pait ng tuwa at dusa

Ay hinarap nating buhay at pag-asa.

(Tanggapin mo, giliw, ang aking soneto

Sa ating maringal na anibersaryo!)

Mga tula at iba pang kathang handog sa OFWs: Bayani at biktima sa sariling bansa at sa ibayong dagat.

MGA DAHON

NG PANGARAP