BUHAY OCW

​

green pasture ba yong hanap... 

pagka’t buhay sa Pinas ay mahirap? 

kung hanap-buhay dito'y mailap 

sa ibayong dagat maaring mahanap... 

​

ika'y nangibang bayan

upang lumago yong kabuhayan, 

ngunit dala mo'y hirap ng kalooban, 

pagka’t yong pamilya iiwan... 

​

sa paglayo sa mahal sa buhay, 

di birong damdaming taglay, 

lungkot at pangungulila, minsan pa'y bumibigay, 

sadyang kapalit nito'y lahat ng bagay... 

​

hanap-buhay ay tinitiis, 

kahit tagaktak ang pawis, 

ika'y walang mahal na kawangis, 

isip mo'y maiuuwing dolyaris... 

​

tukso at bisyo'y iyong iwasan, 

pagka’t masisira yong tahanan, 

obligasyon mo'y wag mong takasan, 

pagka’t pamilya mo'y mawawalan... 

​

pakaisipin lagi pamilyang naiwanan, 

kung mangyari man ang kinatatakutan, 

lahat ng iyong pinaghirapan, 

mapupunta lang sa kawalan.. 

​

sakaling pamilya'y naihaon na, 

bigyan sila ng panahon pang natitira, 

di lang salapi ang mahalaga; 

pagka’t pagmamahal mo'y kailangan din naman nila.

​

 

​

Mga katha ni Rolelyn Alegonza na matatagpuan sa Sali Ka, Kabayan

• ▪ TULA
• ▪ Buhay OCW
• ▪ Tinig Marino