PARA KAY MARY ROSE

ni Rafael A. Pulmano

​

KUMUSTA, MARY ROSE, Kumusta na kayo?

Kuusta ang Nanay, ang Lola, ang Lolo,

Gayon din sa mga batang kapatid mo?

Sana ay mabuti naman ang lagay n’yo.

​

Ako rito –– ayos, poging-pogi pa rin

Maraming trabaho, tambak ang gawain

Pero hindi bale dahil sa December,

Uuwi na ako, babalik sa atin.

​

Isang buwan ako na magbabakasyon

Kay isang buwan tayong mag-e-enjoy

JOLLIBEE –– May ice cream, spaghetti, payong!

Masarap ang payong! (Nakakain ba yun?)

​

Natutuwa ako tuwing susulat ka

Lalo na kapagka mayroong drawing pa

Salamat sa voice tape na inyong padala

Pinakikinggan ko sa tuwi-tuwina.

​

Ay, sana, Mary Rose, lagi kang mabait

Mag-aral mabuti at huwag a-absent,

Ang nanay, lagi mong susundin ang ibig,

Huwag aawayin ang mga kapatid.

​

Laging magdarasal, tatawag sa Diyos

At magpasalamat sa biyayang dulot

Masaya ang buhay, malayo sa lungkot

Kapag nasa puso palagi si Jesus.

​

​

Tatay Paeng Sr.

09-09-1991

Saipan, CNMI