Salamat sa inyo, mga kaibigan,

Dating kababata't kapwa kasinggulang

Mga kasabayin sa kapanahunang

Laon mang lumipas 

    ay may alaalang 

        di malilimutan.

Munting salusalo'y nagmistulang piging

Salamat sa inyong pagdalong magiliw

Malayo't malapit, kayo'y nakarating

Dating kamag-aral

    sa Lake Shore ay upang

        saglit makapiling.

Aking babaunin sa muling pag-alis

Tamis ng samahang walang kahulilip

Taglay ang pag-asa at ang pananabik

Muling masilayan

    ang ganda at ngiti

        sa aking pagbalik.

Paeng Pulmano

Agosto 25, 2018, sa Lunsod ng Binan

Sulatan po kami kung mayroon kayong komento o puna tungkol sa kathang ito.