Saang sulok ng daigdig ka man naroon, Kabayan, BAYANI kang ituturing ng iyong Inang Bayan.
KWENTULA
Tuloy po kayo!TulaKwentulaSalintulaBalagtasanBlogTalasanDulaSanaysayMaikling KuwentoSali ka, KabayanKilalanin NatinUsapang OFWCartoonsAwitLarawanDoon Po Sa AminHandogKomento at punaArkibo TUNGKOL
SA SAYT NA ITO

Advertisement
affiliate_link


Bugso ng Gunita – Dugtung-dugtong na kwento ng makulay na karanasang pinagdaanan  – mula sa paglisan sa kanyang nayon hanggang sa kasalukuyan – ng isang Pilipinong nagtungo sa London upang doon hanapin ng magandang kapalaran.  Mula sa seryosong panulat ni Bert Cabual

Butas na Medyas – Ano ang misteryong bumabalot sa mahiwagaang butas na medyas, at paano nito ililigtas ang buong kaharian ng Potpot sa maitim na balak ng balakyot na kaaway at kampon ng kadiliman?  Mula sa hindi seryosong panulat ni Rafael A. Pulmano

Pag ang Puso'y Napusoy
– Ito ang kasaysayan ng wagas na pag-ibig nina Pepong at Menday, na bagama't hango sa tunay na buhay ay hindi naman tutoo at kathang-isip lamang ng sumulat na walang maisip isulat...  Mula sa hindi seryosong panulat ni Rafael A. Pulmano
Mga tula at iba pang kathang handog sa OFWs: Bayani at biktima sa sariling bansa at sa ibayong dagat.

PASILIP sa Kwentula

BUGSO NG GUNITA

ni Bert Cabual

Nasa Isip Kita, Nayon Ko

Kumakaway sila
     noong aking iwan,
nang sa eroplano
     ako ay lumulan;
may luha sa mata
     ang asawang hirang,
saka ang bunso kong
     buhay n’yaring buhay.

Paglalayo nami’y
     di pa dinaranas,
kung kaya ang dusa’y
     kaaki-akibat;
nang ang sinasakya’y
     simulang umusad,
sikil ang luha kong
     puso’y naghihirap.

Unang paglalakbay
     doon sa ibayo,
sa Londong di batid
     ang uri ng tao;
paglampas sa ulap
     noong eroplano,
diwa’y di mawari
     sa paninibago.

Nagbalik sa isip
     ang naiwang nayon,
sa ang kanayon ko’y
     tigib ng linggatong;
minsa’y masaya rin
     at naglilimayon,
kahi’t dugo’t pawis
     ang pantawid-gutom.

Mga kanayon ko’y
     mayro’n ding hangaring
makapangibayong-lupa
     ay danasin;
limpak daw salapi’y
     doon kikitain,
sa sariling bansa’y
     di kayang hanapin.

Nguni’t hindi nila
     napapasa-isip,
ang katumbas nito’y
     kirot at pasakit;
ang rangya’t salapi
     kaya’y maging sulit
sa pangungulilang
     hagupit ng langit.

Sa paglalakbay ko’y
     hindi makatulog,
pikit ang mata kong
     luha’y umaagos;
lumbay na sa diwa’y
     di matapus-tapos
ay apoy na waring
     sa aki’y tutupok.

TUNGHAYAN ang buong KWENTULA mula sa panulat ni Bert Cabual – Bugso Ng Gunita

KWENTULA
Tuloy po kayo!TulaKwentulaSalintulaBalagtasanBlogTalasanDulaSanaysayMaikling KuwentoSali ka, KabayanKilalanin NatinUsapang OFWCartoonsAwitLarawanDoon Po Sa AminHandogKomento at punaArkibo

 
Personal na web site ni Rafael A. Pulmano

OFW – ANG BAGONG BAYANI
 
COPYRIGHT 2017 © RAFAEL A. PULMANO

affiliate_link