Saang sulok ng daigdig ka man naroon, Kabayan, BAYANI kang ituturing ng iyong Inang Bayan.
TULA
Tuloy po kayo!TulaKwentulaSalintulaBalagtasanBlogTalasanDulaSanaysayMaikling KuwentoSali ka, KabayanKilalanin NatinUsapang OFWCartoonsAwitLarawanDoon Po Sa AminHandogKomento at punaArkibo TUNGKOL
SA SAYT NA ITO

Advertisement
affiliate_link

ANG BIGONG BAYANI

ni Rafael A. Pulmano

Simpleng matematiks,
     walang dagdag-bawas, halinang magtuos...
Sige nga - magkano
     ang dolyar na kita ng bansa sa exports?
Eh, magkano naman
     ang dolyar na bayad ng bansa sa imports?
At ang balance of trade
      kapag kinwenta na, plus kaya, o minus?

Kung higit ang export
     o produktong benta sa ibayong bansa
Kaysa inimporta
     o produktong angkat sa dayuhang lupa,
Mas konti ang gastos
     kumpara sa pasok ng dolyar na kita
Resulta'y trade surplus,
     panalo ang lokal na ekonomiya.

Pero napamili,
     kung lalong malaki kaysa naibenta
Mas maraming dolyar
     ang ipinambayad kaysa naging kita,
Ito'y trade deficit
     na ang karaniwang masaklap na bunga
Pagtaas ng palit
     ng dolyar sa pisong sadsad ang halaga.

At kung ang halaga
     ng pisong pagod na'y tuloy sa pagbagsak
Utang na panglabas
     nitong Pilipinas ay lalong sasagad
Sa interest pa lang
     ng dolyar na utang na dolyar ang bayad
Ay kailangan pang
     Kongreso'y magpasa ng batas sa E-VAT.
    
International trade
     ay talagang ganyan, may panalo't talo
Sa globalisasyon
     ay bansang mahirap ang laging dehado
Kaya pasalamat
     tayo sa maraming nagsasakripisyo
Na bagong bayani,
     (o bigong bayani), ang OFW.

Bilyun-bilyong dolyar
     ang sa Pilipinas ay ipinapasok
Na bawa't sentimo
     ay sa ekonomya umiikut-ikot
Walang natatapon,
     walang lumalabas na kahit karampot
Dahil walang import,
     sila'y hundred percent na Philippine Export.

OFW lang
     ang tanging pang-export nitong ating bansa
Na ang materyales,
     pawis at puhunan, ay sa atin mula
Tatay, Nanay, Kuya,
     Ate, Tito, Tita, maski Lolo't Lola
Nagtiis malayo,
     pamilya'y iniwan, dahil sa pamilya.

Malayo si mister,
     malayo si misis (at kapwa malaya)
Malayo sa anak
     na busog sa layaw, gutom sa kalinga
At dahil malayo
     ang tanaw ng mga pinuno ng bansa
Malayong lumaya
     ang dayong alila sa pangungulila.

Mga tula at iba pang kathang handog sa OFWs: Bayani at biktima sa sariling bansa at sa ibayong dagat.


Ang bagong bayani
Ang bigong bayani
Application form
Inay... Itay...
Iba talaga sa abroad
Batang Saudi
Pag-asa ng bayan
Sayang
Sukli sa kabayanihan
Ako ay Pilipino
Seaman
Balikbayan boxes
Valentine's card
Paalam, My Love
Magaling ang Pinoy
Green card holder
Pilipino, dakila ka
Hanggang Edsa na lang
Bitin
Sa bagong Pangulo
Maswerteng barangay
Hello
Ang kapal
Pakyaw sa Senado
Grado


TULA
Tuloy po kayo!TulaKwentulaSalintulaBalagtasanBlogTalasanDulaSanaysayMaikling KuwentoSali ka, KabayanKilalanin NatinUsapang OFWCartoonsAwitLarawanDoon Po Sa AminHandogKomento at punaArkibo

 
Personal na web site ni Rafael A. Pulmano

OFW – ANG BAGONG BAYANI
 
COPYRIGHT 2017 © RAFAEL A. PULMANO

affiliate_link