Sali Ka - Maria Teresa Cura Rea

THANKS TO OUR SPONSORS

MARIA TERESA LUCINA CURA REA

Sydney, Australia

PAGSISINTIR NG ISANG PINOY-AUSSIE

Buhay ko rito sa Australia
halos puno ng ligaya
ang mate ko't mga anak na magaganda
sapat nang sa aki'y magpasigla.

Masarap, mahirap ang buhay sa abroad
minsa'y araw-gabi ang pagkayod;
ang dollar na sa pamilya'y pangtaguyod
puhuna'y dugo, pawis, luha at pagod.

Marami din namang benefit
sagana sa pagkain, damit,
modernong gamit, lahat electric...
kababaya'y naiinggit.

Datapwa't malayo sa relatives
sabihin nang walang gaanong tsismis...
anumang Pinoy news – kahit panis,
buong-pusong tinitiis.

Kapag ako'y naho-homesick
walang taros aking pagsaliksik
ang internet lubos na katalik
malayong kakilala'y biglang nagbabalik.

Kaya nga't salamat sa e-mail
saang sulok ka man nakatigil,
mag-surf, mag-chat nang halos walang tigil
pagmumukmok ng kalooba'y biglang matitigil.

SAMU'T SARING DAMDAMIN, TAGAKTAK ANG PAWIS

samu't saring damdamin
     sa tuwina'y kaulayaw
ligaya't lungkot sa puso't kalooba'y
     dagling nag-uumapaw.

sandaling pinakahihintay
     ngayo'y dumating
hindi magkandaugaga sa pinaghirapa't
     sandamanak na pabilin
sa eroplano pa lamang
     ay papilingpiling.

sa wakas
     makaraos ang halos
     walang katapusang tawaran
ang biyahe naman ang pagtitiyagaan.
bakit hindi'y
     mga sasakya'y nag-uunahan, nagsisiksikan.
maraming taong tiniis
     na malayo sa pamilyang minamahal
biglang naglaho't nalihis
sa biyaheng nagkaantal-antal.

siyam-siyam halos
     sasakya'y nagbagtas
salamat sa diyos
tahanang sinilanga'y nataros.

sanrekwang kamag-anakang
     nagpakaabang-abang
takang-taka't nagkandagugulat.
dating matabil na dila'y walang maiulat.

tagaktak ang pawis
     waring naghihinagpis
pinakahihintay nga'y napalis.
yaong PALIKURA'Y tanging nais,
     kaya't dali-daling tinugis!

Site menu:

THANKS TO OUR SPONSORS

MARIA TERESA LUCINA CURA REA