BILANGIN ANG PAGPAPALA

Salin sa Tagalog

ni Rafael A. Pulmano


Kapagka may mga

Sandaling madilim at sadyang kulimlim

Isipin mo lamang ang sikat ng araw.


Kapag mayroon kang

Kinakailangang tapusing gawain

Isipin ang iyong mga paglilibang.


Kapag may mahaba,

Malubak na landas na dapat lakbayin

Isipin ang dulong nasa katapusan.


Kapag nadaramang

Wari'y nawawala't nag-iisa mandin

Isipin ang isang tapat na kaybigan.


Kapag bagay-bagay

Ay hindi maayos ang takbo at suling

Isipin ang noong sila'y ayos naman.


Kapag nadarama

Iyang kalungkutan, ay dili-dilihin

Ang napakaraming biyayang nakamtan.

TUNGKOL

SA SAYT NA ITO

Mga tula at iba pang kathang handog sa OFWs: Bayani at biktima sa sariling bansa at sa ibayong dagat.

Copyright 1976-2019 © Rafael A. Pulmano |  Contact

affiliate_link